Wararka Caalamka

Ku dhawaad 70 ruux ayaa maanta oo kaliya u geeriyooday shilal kala duwan oo ka kala dhacay wadamada Pakistan iyo Peru, iyadoona tafaasiil dheeraad ah laga helayo qaabka ay u dheceen shilalkaas.

Bisha February ee sanadkan, ayaa lagu wadaa in doorashada baarlamaanka ay ka dhacdo dalka Jabuuti.

Khasaara lixaad leh ayaa Yahuudda Sahyuuniyadda kasoo gaaray weerar kaligii duulnimo oo halyeey muslim ah uu ka fuliyay magaalada Qudus ee dhulka Falasdiin.

Reysal Wasaaraha Itoobiya ayaa safar ku tagey dalka Suudaan. Abiy ayaa lagu soo dhaweeyay magaalada caasimadda ah ee Khartuum. Booqashadan ayaa salka ku haysa sida wararku sheegayaan biyo xireenka Nahda iyo iska hor imaadyo ka dhacey xuduudda labada dal ay wadaagaan.

Wararka ka imanaya dhanka Falastiin ayaa sheegaya in ciidamada Yuhuuddu ay gaboodfallo u gaysteen dad shacab ah oo Falastiiniyiin ah.

Turkiga ayaa gebi ahaabna baajiyay shir saddex geesood ah oo uu la yeelan lahaa Sweden iyo Finland, kaas oo la qorsheeyay in bisha soo socota ee February uu ka dhaco magaalada Brussels, kadib dibadbax ka dhacay Stockholm oo lagu dhaleeceeyay Ankara, sida ay sheegtay TRT.

Wasaaradda caafimaadka ee dalka Kenya ayaa shaacisay in 78 qof ay cudurka dacuunka u dhinteen saddexdii bilood ee la soo dhaafay, halka 4,186 kalena gooba kala duwan lagu daaweynayo.

Nin hubaysan ayaa 10 qof ku dilay magaalada Los Angeles ee gobolka California ee dalka Maraykanka.

Qaramada Midoobay ayaa sheegtay in xabaalo wadareedyo ay ku jiraan meydadka 49 qof oo rayid ah laga helay woqooyiga bari ee dalka Congo, ka dib weeraradii is xigxigay ee dhacay Sabtidii la soo dhaafay.

Wasiirka Arrimaha Dibedda ee dalka Shiinaha Shiin Jaang(Qin Gang) ayaa booqasho rasmi ah ku tagey dalka Masar.

Wararka ka imaanaya wadanka Maraykanka ayaa sheegaya in saacadihii lasoo dhaafay ruux Soomaali ah lagu dilay gudaha wadankaasi.

Qarax bambaano ah ayaa lala beegsaday kaniisad ku taalla bariga dalka Jamhuuriyadda Dimuqraadiga ee Congo.

Waxaa dhintay inta badan dadkii rakaabka ahaa ee la socday diyaarad laga leeyahay wadanka Nepal kadib markii ay shil gashay.

uushka ayaa sheegay in ciidamadooda ay soo afjareen qabsashada Soledar oo ah magaalo laga soo saaro milixda oo ku taal bariga Ukraine, halkaasoo uu ka socday dagaal xooggan.

Wararka ka imanaya Mareykanka ayaa ayaa sheegaya in uu hakad ku yimid duullimaadyadii gudaha ee dalkaas. Dibu dhacan ayaa lagu sheegay in ay sabab u tahay cillad ku timid nidaamka kombuyuutarrada ee duullimaadyada waddankaasi.

Jabhadda Oromo Liberation Army ee dagaalka kula jirta dowladda Itoobiya ayaa hawlgal xabsi jebin ah ka fulisey magaalada Bule Hora ee koonfurta Oromia.

War rasmi ah oo kasoo baxay taliska dhexe ee ciidanka Mareykanka ayaa lagu sheegay in ay gacanta ku dhigeen saanado hub ah oo ku wajahnaa dhanka dalka Yemen.

Waxaa sii cakiran tay xaaladda ka taagan dalka Barazil, kadib markii boqallaal kamid ah taageerayaasha madaxweynihii hore ee dalkaasi ay xoog ku galeen maalintii shalay oo Axad aheyd xarunta madaxtooyada ee looga arrimiyo dalka.

Maamulka Joe Biden ayaa toddobaadkan ku dhawaaqay in Maraykanku uu Ukraine siin doono baabuurta dagaalka ee Bradley, si loogu isticmaalo dagaalka ka dhanka ah duullaanka Ruushka, tallaabadaas oo ay khubaradu sheegeen in ay wax weyn ka tari doonto.

Wasiirka maamulka arxanka daran ee Yuhuudda Itamar Ben Gvir ayaa sheegay in ay soo celin doonaan xukunkii merjinta maxaabiista reer Falastiin. Qoraal uu dhigey bartiisa Twitter-ka ayuu ku sheegay in ay xukunka deldelaadda ku fulin doonaan qofkasta oo dila ama isku daya dilka sahaayinada.